HindiLovePoemUncategorized

Vo, Jo Sirf Sapno Mai Aati Hai !

Posted On
Posted By Gajanand Baheti

Intezaar to tha hi unka,
Saath mai talash bhi thi.
Aakhir ek din to aaenge hi,
Dil Mai ye aas bhi thi.

Yaad to naa aati unki,
Kyon ki unko ab tak bhul hi na paaye the,
Vo chaand si chamak, vo Surya si urja,
Uss khubsoorati ke Swarg se nikal hi na paaye the.

Ab chehre pe to kya hi likhu,
Shabd thodi sundarta ko samjha payenge.
Saamne jo aajaye kisike,
Unse nazre bhala kaise hata payenge?

Aawaz to aisi hai maano,
Koyal se meethe bol kehti hai.
Kitna bhi bol jaaye, par yahi lagta hai,
Vo itna chup-chup kyo Rehti hai?

Par ab to intezaar bhi lamba ho rha hai,
Talash bhi khatm hone ko aayi hai.
Na jaane kitne hi mausam beet gaye lekin,
Unse ek bhi naa mulaqat hone paayi hai.

Magar sabr ka fal meetha hota hai,
Isi soch ke saath hum bhi jeeya krenge.
Ek din to mulaqat hogi unse,
Iss iltejah ke saath, unhe yaad hi kr liya krenge.

Related Post

leave a Comment

This site uses Akismet to reduce spam. Learn how your comment data is processed.