Inspiration

The Boy Who Stands in All Odds !

The Boy who stands in all odds! Posted On
Posted By Sanjit Gupta

“The Boy who stands in all odds” ye ek resolution hai, meri last article ka, named “The story of a middle-class boy!”  Ye un sare ladko ka dard mai unke hi shabdo me likh rha hu. Unki ladai ko likhne ja rha hu jo wo daily ladte huye aage badhte hai. To aaeye sunte hai…..

 

Hi mai ek ladka hu, wo jo bachpan se hi dhyan kendrit krta aaya hai. Ha mai wahi hu jise bachpan me badmashi karne ke baad hostel bhej diya jata hai. Ha mai wo bhi hu jise bachpan se hi expectation ki bojh se dabakar bada kiya gya. Mai garibi me bhi pala aur amiri me bhi pada. Mai wo hu jo sukhi roti bhi khaya hu aur mai wo bhi hu jo ghee me dubi huyi roti bhi khaya hu. Per hamare uper ek hi cheez common hoti hai wo hai expectations ki bojh. Ji ha mai bachpan se hi expectation ke bhari bharkaam bhoje se daba kuchla bada huya hu.

Lekin mai wo hu jo sari kathinaiyo ka samna krte huye khada rha hu. Maine kabhi uff bhi nai kiya. Mai bas apna kaam krte gya. Bachpan se lekar aajtak kitne hi raaste badal chuka hu. Bachpan me jab cricket khelta tha to sochta tha cricketer banunga, phir jab maidan se khel kar lautata tha to teacher mar – mar kr murga bana dete the. Cricketer ka bhoot bhi utar jata tha. Us society me pala badha hu jaha bola jata tha “Padhoge likhoge to banoge nawab, kheloge kudoge to banoge kharab ” , ab aise jumle ke samne iss bachhe ki kya aukat. Us time to Dhoni bhaiya ki movie bhi nai aayi thi, ab apne baap ko kaun samjhaye aur apne teacher se kaun laat khaye. Acha mai wo hu jo bachpan se ho jute- chappalo ka shaukin raha hu. Kyuki routine hi yahi hota tha, apne man ka karo aur jute- chappal free me khao. Khair aajkal ke bachhe to soch bhi nai sakte. Khair jab padhne aata tha to Doctor- Engineer ban jane ka man karta tha. Lekin pata nai tha ki ye sab hote kya hai aur bante kaise hai. Kabhi agar plane uper udate huye dekh liya to pilot ban jane ka bhi man karta tha. Rail gadi dekh li to Rail driver ban jane ka man karta tha. Yani mujhe khud hi pata nai tha mai kya chahta tha. Sala lagta tha ki pura bharat mere under hi hai vividhatao se bhara hua.

Khair mai wo hu jise koi batane wala bhi nai tha ki karna kya hai. Ha umeed sabhi logo ko thi..ho bhi kyu na kyuki hamari to ek definite manjil thi jaha jana hi tha, logo ke hisab se. Apni kya halat thi wo hame hi pata tha.

Had to tab hoti thi jab log cricket khelne se rokte the. Apko apni situation batata hu. Cricket khelne ke liye hum logo ko galiyan sunni padti thi. Log marne ke liye daudte the. Chalo koi nai gali sunkar maar khakar bhi humlog khelne jarur jate the. Launde ki spirit ko dekhiye aap. Acha jab humlog khelkar kabhi haar kr aate the to wai log tana marte the ki dekho hara hua player ja rha hai. Sala aur agar jeet jate the to maar khani padti thi ki khel kar time kyu bar bad karta hai. Ab batao hamari confidence ke “L” to lagenge ho. Man to kar rha hai “L” ko aur bold and beautiful kar du. Bahut sare “L” lage huye hai hame.

Mai wo hu jise sab kuch aata hai..agar koi bata de ki kaise karna hai to mai duniya ki har cheez ko kar lu.

Khair phir bhi mai laga raha aur mehnat kiya. Apne har shaukh ko bhi pura kiya. Mai aksar raat ko rota tha ki yaar log mujhse chahte kya hai?

Jiska jawab mujhe aaj tak nai mila. Hamari situation wai thi ki “Ghoda sadak par atak kar matak gya” ka translation banao.

Matlab yahi tha ki hamari train aisi patri pe daudati hai jiska koi aant nai hai, log marne ke baad bhi gali denge. Dhup aaye, barsat aaye, thandi aaye mai wahi khada rahta hu.

Jante hai kyu?

Kyuki mai confident tha ki kuch to karunga, acha hi karunga. Mai khada tha ki mai acha hu to mere sath acha hi hoga. Mai ada raha kyuki mjhe vishwas tha ki ache logo ki kami nai hai. Khud se hi ladta tha ki tere me kami hai kuch. Usko dhundhta tha aur aage badhta tha.

Mai wahi hu jo kisi chote shahar ya kisi chote gao se nikal kar aata hai. Logo ko dekhta hu, sikhne ki koshish krta hu. Is koshish me bewakuf bhi banta hu. Per kya karu koi normally bhi chalak nai smjhta mujhe. Mai wo hu jise dekh kar log kabil nai smjhte, mai wo hu jise har jagah har baar apni kabiliyat sabit karni padti hai. Mai wai hu jo bar bar has kar exam deta hu aur qualify bhi karta hu. Ye mai nai krta, ye wo log mujhse karwate hai jo uper baithe hai aur meri sakal se meri kabiliyat ko pata karte hai. Inhi logo ne mujhe majbut bana diya hai, itna majbut ki kisi ka dum nai mujhe hila de. Ha mai wai hu jo bewak khada hai sina tan kar aur sab ko challenge krta hai. Mai wo bhi hu jo apna sar logo ke samman me jhukata hai. Lekin mai wo bhi hu jise apna self respect chahiye. Mai wahi hu jisne kitno ke “L” laga diye self respect ke chakkar me. Mai wahi hu jo hamesa ache log ki talash me rahta hai. Mai wo hu jiske dil me ek khalipan bhi rahta hai. Mai wo bhi hu jo hamesa ek special one ko dhundhta hu. Mai wo bhi hu jo kabhi kabhi tut kar rota hai aur phir judta hai kafi majbuti se. Mai wo hu jo ghanto khud se baate kar sakta hai. Mai wo hu jo khud ko super man smjhata hu, mai wo bhi hu jo khud ko Krishna smjhata hu aur Sudama bhi. Mai wo hu jo khushiya batna pasand karta hu. Mai wo hu jo muskurata rahta hu. Mai wo hu jise dekh kar bahut sare log khush rahte hai, Ha mai wai, wai ladka hu jise dekh kar log bolte hai “Bahut acha ladka hai.” .

Na …Na

Galat Bol rahe hai aap.

Meri sachhai nai jante aap …mai wai ladka hu jo raat ko akele khub rota hai taki kal din me logo ke samne has sake. Ye aansu actualy hamare liye fuel ki tarah hote hai jitna nikalta hai utna hi charge ho jata hu. Is tarah ek time aisa aata hai ki sare aansu bah jate hai aur hum hamesha ke liye charge ho jate hai. Phir mai kisi bhi halat ko jhel jata hu. Phir wai log mujhe patthar dil kahne lagte hai.

Ha ji mai wahi ladka hu jiske aankho me aansu kisi bhi musibat me dikhai nai dete. Maine to ab toofano se bhi dosti kar li hai. Sabko uda le jata hai mujhe aise hi khada chor jata hai aur log kahte hai are ye to bahut majboot ho gya hai. Ha mai ek majboot diwal hu, lekin wo bhi mujhe logo ne hi bana diya. Diwal ki taraha adig aur achal.

Mai wahi ladka hu jo pyar karta hai, mai wo bhi hu jo nafrat bhi karta hai….acha wala!!

Mai wo hu jo apni galtiyo se sikhta hu,

Ekbar mai raste se ghar laut raha tha. Kuch duri pe mere raste me hi kuch kutte bhauk rahe the. Maine socha kutta bhauk raha, katega nai..sirf bhaukane wala kutta hai. Mai aage badhta gya.

Kutte ne socha… YE sala darr nai raha hai, iska kuch karna padega.

Aur usne mujhe kaat liya !

Us din ke baad se mai kutte ko bhaukata dekh raasta badal leta hu. Mai us raaste pe jata hi nai hu jaha mujhe kutta kat le .. 🙂

 

Mai wo hu jisne bahut sacrifice kiye hai. Mai wo hu jisne apno ko khote huye dekha hai aur mai wo helpless ladka bhi hu jo kuch kar nai saka tha. Mai aaj jitna bhi balwan ho jau, mai wahi hu jo kabhi haath malte rah gya tha aur mere apne mujhe chor kar chale gaye. Mai isiliye majboot hu kyuki maine uski kimat chukayi hai.

Mai wai ladka hu jo khamosh rahna pasand karta hai.

Kisi ki khushi ka karan banna mujhe acha lagta hai.

Meri sachhai hi yai hai ki mujhe har cheez achi lagti hai. Ha mai positively charges ion hu. Mujhe hasna acha lagta hai. Mujhe khada rahna acha lagta hai kyuki mujhe logo ko baithe dekhna acha lagta hai.

Mai wai ladka hu jo sare odds situation me bhi khada rahta hu !

Dedicated to all youth working hard to fulfill their dreams.

Always think positive!

 

Related Post

leave a Comment

This site uses Akismet to reduce spam. Learn how your comment data is processed.